Audit obyekti
GOC-UZ O'zbekistonda optik tola ishlab chiqarishni yo'lga qo'ygan yetakchi korxonalardan biri. Bunday kompaniyaning sayti ham uning darajasiga mos bo'lishi kerak, deb hisoblaymiz. Shu sababli saytni o'z tashabbusimiz bilan, xolis nigoh bilan o'rganib chiqdik.
Kimga: «GOC-UZ» rahbariyati va marketing bo'limiga
№ GU 09/26 · 09.11.2026
Hurmatli GOC-UZ rahbariyati va jamoasi!
Avvalo, GOC-UZ jamoasiga chuqur hurmatimizni bildiramiz. Qisqa vaqt ichida Jizzaxda ikkita zavodni ishga tushirish, optik kabel ishlab chiqarishni mahalliylashtirish va mahsulotni xorij bozoriga olib chiqish oson ish emas. Bu O'zbekistonning raqamli kelajagi uchun qilinayotgan haqiqiy mehnat, biz buni yaxshi tushunamiz va qadrlaymiz.
«O'zbektelekom» va koreyalik MSGOC bilan tashkil etilgan qo'shma korxona, yiliga 144 ming km kabel ishlab chiqarish quvvati, London va Düsseldorfdagi xalqaro ko'rgazmalar, Kyrgyztelecom bilan imzolangan shartnoma, Etisalat Afghanistan va Delta Telecom bilan muzokaralar. Bularning har biri kompaniyaning mintaqadagi jiddiy ishlab chiqaruvchi ekanidan dalolat beradi.
Aynan shu hurmat bizni bu ishga undadi. Hujjatni hech kim buyurtma qilmagan: saytingizni o'z tashabbusimiz bilan, xolis tarzda o'rganib chiqdik. Sababi oddiy. Bunday darajadagi kompaniya xorijiy hamkor birinchi bo'lib ochadigan sahifada ham o'z darajasida ko'rinishi kerak. Hozircha sayt erishilgan natijalarni to'liq aks ettirmayapti.
Quyida kompaniyaning kuchli tomonlari, saytda e'tibor talab qiladigan jihatlar va har biri bo'yicha amaliy tavsiyalarni keltirdik. Barcha ma'lumotlarni o'zimiz tekshirdik. Umid qilamizki, bu kuzatuvlar jamoangiz uchun foydali bo'ladi.
Kabel sotib oladigan operator avval yetkazib beruvchi kimligini tekshiradi. Sizda bu savolga kuchli javob bor: milliy operator bilan hamkorlik, Koreya texnologiyasi, ikkita zavod, xorijiy shartnomalar. Ko'p raqobatchida bunday narsa yo'q.
Afsuski, saytni ochgan odam buni ko'rmaydi. «O'zbektelekom» va MSGOC nomi About sahifasidagi bitta gapda qolib ketgan. Bosh sahifada kompaniya kimligini aytadigan sarlavha yo'q, «Narx so'rash» tugmasi ham yo'q. Mahsulotlar ostida esa internet-do'kondan qolgan «30 days money back» yozuvi turibdi. Jiddiy xaridor shu yerdayoq shubhalana boshlaydi.
Yana bir gap: saytda analitika umuman yo'q. Ko'rgazmadan keyin saytga qancha odam kirgani, kim qaysi davlatdan yozgani hech qayerda saqlanmaydi. Qiziqish bor, lekin uni ushlab qoladigan narsa yo'q.
«O'zbektelekom» va MSGOC (Koreya) qo'shma korxonasi. Tenderda ham, xorijiy muzokarada ham birinchi aytiladigan gap shu bo'lishi kerak.
2 ta zavod, 15 ta uchastka. Yiliga 120 ming km ichki va 24 ming km tashqi kabel, oyiga 25 ming dona CORD.
Tube Düsseldorf 2026, Connected Britain 2025, Kyrgyztelecom bilan shartnoma, Etisalat Afghanistan va Delta Telecom bilan uchrashuvlar.
Har kabel uchun konstruksiya, diametr, tortish kuchi, G.652D / G.657 standarti va tola ranglari jadvali bor. Mutaxassisga aynan shu kerak.
Zavodni dron bilan olingan video, kabellarning toza 3D rasmlari, delegatsiyalar fotolari. Yangi dizaynda bemalol ishlatsa bo'ladi.
HTTPS ishlaydi, http va www to'g'ri yo'naltiriladi, robots.txt va sitemap bor, mavjud bo'lmagan sahifa to'g'ri 404 beradi.
2.5 / 10
Umumiy ball
Zavod jiddiy, sayt esa unga mos emas
5–6 s
Server javobi (TTFB)
me'yor < 0,8 s
12,1 s
Asosiy kontent (LCP)
me'yor < 2,5 s
16,5 s
To'liq yuklanish
me'yor < 3 s
7,3 MB
Sahifa hajmi
me'yor < 2 MB
241
So'rovlar soni
me'yor < 80
66 / 55
JS / CSS fayllar
me'yor 10–15
24
Shrift oilalari
me'yor 2–3
21,9 MB
PDF katalog
me'yor 3–5 MB
Bosh sahifani 09.11.2026 kuni Chrome'da ochib o'lchadik. Saytga oddiy tashrifchi sifatida kirdik, hech qanday hujum yoki yuklama testi qilmadik.
Yuqoridagi muammolarning ko'pchiligi bitta joydan chiqqan. Sayt 2017-yilda tayyor shablon ustida qilingan, keyin unga ikkita sahifa quruvchi (Elementor va WPBakery), internet-do'kon moduli va 40 dan ortiq plagin qo'shilgan. Shu asosda tezlikni, Google'ni va tillarni tuzatsa bo'ladi, lekin bu ko'p vaqt oladi va natija baribir chala chiqadi.
Bizningcha, GOC-UZga tez ochiladigan, Google'da topiladigan va har bir so'rovni hisobga oladigan yangi sayt kerak. Shunda sayt savdo bo'limiga chindan yordam bera boshlaydi.
14 yil
Bozordagi tajriba
2012-yildan buyon
400+
Muvaffaqiyatli loyihalar
davlat sektori va biznes
6+
O'z startaplarimiz
shaxsiy loyihalarni rivojlantiramiz
10M+
Xizmat ko'rsatilgan foydalanuvchilar
yuqori yuklamali tizimlar
99.98%
Uzluksiz ishlash
SLA asosida
0
Sud da'volari va qarzlar
toza yuridik obro'
Ushbu hujjatni GOC-UZga bo'lgan hurmatimiz tufayli tayyorladik. Maqsadimiz tanqid emas, kompaniyangiz xalqaro maydonda o'z darajasida ko'rinishiga hissa qo'shish. Har qanday topilma bo'yicha batafsil tushuntirish berishga doim tayyormiz.
Biz quyidagi tartibni maslahat beramiz: